Դեկտեմբերի 1-ին՝ ՁԻԱՀ-ի դեմ պայքարի համաշխարհային օրվան նվիրված միջոցառումների շրջանակներում, Իրական աշխարհ, իրական մարդիկ ՀԿ-ի նախաձեռնությամբ Խտրականության դեմ պայքարի և հանուն հավասարության կոալիցիայի, Կանանց ներուժի զարգացման կենտրոն ՀԿ-ի և ՄԻԱՎ-ի հակազդման ազգային կոնսորցիումի հետ համատեղ իրականացվեց ՄԻԱՎ-ով ապրող չորս կանանց կյանքի պատմությունների ֆոտոցուցահանդես՝ Ուկրաինայից, Ղրղզստանից, Մոլդովայից և Հայաստանից, վերջինս առանց նկարի:
Ֆոտոցուցահանդեսը հանրային միջոցառման տեսքով տեղի ունեցավ ԼՈՖԹ բազմաֆունկցիոնալ ժամանցի կենտրոնում՝ միանալով Եղիր տեղեկացված ՀԿ-ի, Առողջապահության ազգային ինստիտուտի և UNAIDS Հայաստանի կազմակերպած Կարմիրը կտավին միջոցառմանը:
Կարմիր ժապավենը – խորհրդանիշ է, որը միավորում է ամբողջ աշխարհում ՄԻԱՎ վարակի դեմ պայքարող մարդկանց ձայները:
Այս տարի Հայստանի հայտնի նկարիչներն ու իլյուստրատորները համախմբվել են մեկ գաղափարի շուրջ, որն է՝ արվեստի միջոցով բարձրաձայնել ՄԻԱՎ/ՁԻԱՀ խնդրի մասին: Նրանք իրենց յուրօրինակ մեկնաբանությամբ ներկայացնելու են ՄԻԱՎ/ՁԻԱՀ-ի դեմ պայքարի խորհրդանիշ համարվող Կարմիր ժապավենը։
Սիրով կսպասենք բոլորին, ովքեր գնահատում են արվեստը և միաժամանակ անտարբեր չեն ՄԻԱՎ/ՁԻԱՀ խնդրի նկատմամբ:
«Կարմիրը կտավին» միջոցառումը իրականացվում է ՄԱԿ-ի ՄԻԱՎ/ՁԻԱՀ-ի միացյալ ծրագրի (UNAIDS) հայաստանյան գրասենյակի, ՀՀ ԱՆ «Ակադեմիկոս Ս.Ավդալբեկյանի անվան առողջապահության ազգային ինստիտուտի և «Եղիր տեղեկացված» ՀԿ-ի կողմից։
Միջոցառումն ուներ մի քանի տասնյակ մասնակիցներ, այդ թվում պետական, միջազգային և հասարակական կազմակերպությունների ներկայացուցիչներ, հանրային հայտնի մարդիկ և լրատվամիջոցներ: Ելույթի խոսքով հանդես եկավ Առողջապահության նախարարի պաշտոնակատար Արսեն Թորոսյանը, ով իր խոսքում նշեց ՄԻԱՎ-ի վաղ հայտնաբերման, բուժման, ինչպես նաև հասարակության ոչ խտրական վերաբերմունքի կարևորությունը:
Միջոցառման ժամանակ Իրական աշխարհ, իրական մարդիկ ՀԿ-ի նախագահ Ժենյա Մայիլյանը ելույթի խոսքում կարդաց Հայաստանում ապրող ՄԻԱՎ-ով ապրող կնոջ ուղերձը, որը հղել էր դեկտեմբերի մեկի կապակցությամբ: Ուղերձն ամբողջությամբ կարող եք կարդալ հետևյալ հղումով :
