ВХОДИТ В СТРУКТУРУ ПОРТАЛА

Ամփոփում ենք 2018 թվականը

798 Views

2018 թվականին լրացավ Իրական աշխարհ իրական մարդիկ հասարակական կազմակերպության 15 տարին: Ինչպես նախորդ տարիներին, այս տարի ևս կազմակերպությունը ունեցավ արդյունավետ, բազմաթիվ հաջողություններով և դրական փոփոխություններով լի տարի:

Այս տարվա ընթացքում կազմակերպությունն իրականացրել է՝

  • Իրականացրել  է կազմակերպության 2018-2021 թթ. ռազմավարական պլանը
  • Կազմակերպել է ավելի քան 30 դասընթաց և  քննարկում շահառու խմբերի, տարբեր կազմակերպությունների, իրավապաշտպանների և բժիշկների համար
  • Իրականացրել է 5 խմբային ինքնօգնության  հանդիպումներ ՄԻԱՎ-ով ապրող անձանաց և նրանց ընտանիքների անդամների հետ
  • Իրականացրել է 7 ուսումնասիրություն ՄԻԱՎ/ՁԻԱՀ-ի, պալիատիվ բուժօգնության և հարակից ոլորտներում, դրանց հիման վրա պատրաստել է զեկույցներ
  • Պատրաստել է 3 քաղաքականության թերթիկ
  • Կազմակերպել է ՄԻԱՎ-ի և բռնության հարցերին առնչվող 3 հանրային միջոցառում
  • Տրամադրել է ավելի քան 150 ծառայություն  ՄԻԱՎ-ով ապրող մարդկանց և նրանց ընտանիքների անդամներին կամավոր հիմունքներով
  • Համագործակցել է ավելի քան 30 տեղական պետական/մասնավոր և միջազգային կազմակերպությունների, կառույցների հետ
  • Կազմակերպել է ՄԻԱՎ-ին առնչվող երբևէ տեղի ունեցած ամենալայնամասշտաբ կոնֆերանսը՝ Միավորենք ջանքերը ՄԻԱՎ-ի հակազդման ազգային կոնսորցիում հետ համատեղ, որին բացի տեղական և միջազգային կառույցներից, մասնակցել են նաև ՄԻԱՎ-ով ապրող մարդկանց, ԹՆՕ և ԼԳԲՏ համայնքից ներկայացուցիչներ
  • պարգևատրվել է մրցանակով՝ ՄԻԱՎ/ՁԻԱՀ-ի ոլորտում ներդրած ջանքերի համար
  • գործարկվել է կազմակերպության նոր կայքը:

Այս բոլոր գործողություններն իրականացվել է, որպեսզի  նպաստեն Հայաստանում ՄԻԱՎ-ով ապրող մարդկանց և նրանց ընտանինքների կյանքի որակի բարձրացմանը, իրավունքների արդյունավետ պաշտպանությանը, հասարակության իրազեկվածության բարձրացմանը:

Մեր բոլոր գործընկերներին, աջակիցներին և հանրույթի ներկայացուցիչներին մաղթում ենք էլ ավելի շատ հաջողություններով և ձեռքբերումներով լի տարի:

Իրական աշխարհ իրական մարդիկ ՀԿ-ն սիրով շնորհավորում է բոլորի գալիք տոները և մաղթում արդարության, հավասարության և խաղաղության տարի:

 

About

“Real World, Real People” non-governmental organization.
We are called to change the world. We will exist and work as long as the indifference and denial are part of our society.

Call back